Posts Tagged With: સ્વરચિત

શ્રીમાન બ્લૉગ સાહેબનું ઇન્ટરવ્યૂ.

આજકાલ બ્લૉગ બહું લોકપ્રિય થતો જાય છે.એટલે તેમનું ઇન્ટરવ્યૂ લેવાનો અવસર મને મળ્યો.

-સુસ્વાગતમ્‌ શ્રીમાન બ્લૉગ સાહેબ !!
…..આભાર ભાઈશ્રી ભૂરિયાજી !!
-કેમ છો ?
…..બસ મજામાં છીએ બ્લૉગરોના આશીર્વાદથી.
તમે પહેલી વખત ઇન્ટરવ્યૂ આપી રહ્યા છો ?
…..હા….. લગભગ તો પહેલી વખત જ.
-બરાબર , દિવસે ને દિવસે તમે બહું લોકપ્રિય થઈ રહ્યાં છો,તો તે વિશે બે શબ્દો કહેશો ?
…..એમા શું છે કે હવે લોકો છાપા વાંચીને કંટાળી ગયા છે.હવે તો ઈન્ટરનેટ પણ ઝડપથી અને સસ્તા દરે પ્રાપ્ત છે અને ઉપરથી આદરણિય મહોદય શ્રી વર્ડપ્રેસ સાહેબ તથા ડૉ. બ્લૉગર.કૉમ અને બીજા ઘણા મને ફ્રી હોસ્ટ કરનારાઓના લીધે વધૂ લોકો મારા તરફ વળી રહ્યાં છે.
-તમને એવું ક્યાંરેય થતુ નથી કે દેખાદેખીમાં લોકો તમારા તરફ આકર્ષાય છે ?
…..હા . એવું કદાચ હોય શકે !પણ….દેખાદેખીથી મારા તરફ આવી તો જાય,પણ પછી મારી સાથે જે કાર્ય કરવાનું છે તેમાં ફસાતા હોય છે.એવા બ્લૉગરો લાંબો સમય ટકી શક્તા નથી.અથવા તો અલવિદા કહી દેતા હોય છે.
-એમા એક નમૂનો તો તમારુ ઇન્ટરવ્યૂ લે છે. 😀
…..હા હા હા હા 😀
-કેવા પ્રકારના બ્લૉગરો તમારા સાથે જોડાય તો તમને ગમે ?
…..દિલથી કહું તો મૌલિક વિચારો ! મૌલિક વિચારોથી બ્લૉગર વધૂ નામના મેળવી શકે છે તેવું હું માનુ છું.સંચાલન કે પ્રવર્તક તરીકે મારી સાથે જોડાવવું અલગ વસ્તું છે.
-અલગ વસ્તું એટલે……
…..અલગ વસ્તું એટલે કે મૌલિક વિચારો હોય તો બ્લૉગર વધૂ સ્વતંત્ર હોય છે.તેની બન્ને આંગળીઓ ઘીમાં હોય છે. અને સંચાલક હોય તો તેમણે ઘણી બાબતોનું ધ્યાન રાખવું પડે છે.તેમના માટે સૌથી અગત્યનો કાયદો છે કોપીરાઈટ્સનો.સંચાલકે એ વસ્તું હંમેશા ધ્યાન રાખવું પડે છે.
-આ બાબતે થોડું વિસ્તૃત કહી શક્શો ?
…..હમ્મ્મ..કહેવાનો અર્થ કે તમે સંચાલક છો તો સંચાલકની સંપૂર્ણ જવાબદારી હોય છે કે કોઈ કલાકાર કે લેખક કે પ્રકાશકને અન્યાય ન થવો જોઇએ.
-મતલબ કે કલાકાર-લેખક-પ્રકાશકની સહમતી હોવી જોઇએ ?
…..હા . કેમ નહીં ! તમે કોઈ લેખ,કવિતા-ગઝલ,ફોટાઓ,વિડિયો કે અન્ય કોઈ મટીરીયલ તમારા સંચાલન હેઠળ પ્રકાશિત કરો છો, તો મૂળ કલાકાર,કવિ-લેખક,ફોટોગ્રાફરની પૂર્વ મંજુરી ખૂબ જ જરૂરી છે.સહમતી વગર તો અન્યાય જ છે.
-ઓકે ! પણ જે પુસ્તકમાંથી ટાઈપ કર્યું હોય અને પુસ્તકના નામ તથા કલાકારનું નામ લખ્યું હોય તો કોઈ પ્રોબલેમ ખરો ?
…..પહેલી વસ્તુ કે પુસ્તકના સંપાદકે-પ્રકાશકે મૂળ કલાકાર,કવિ-લેખક કે ફોટોગ્રાફરની મંજુરી લીધી હોય છે અને તેના વિશે કોઈ પણ પુસ્તકના પહેલા-બીજા-ત્રીજા પાને લખ્યું જ હોય છે.એટલે પુસ્તકનો સ્ત્રોત દર્શાવાથી કે લેખનું નામ લખવાથી મૂળ કલાકારની સહમતી મળી ગઈ એવું ધારી લેવું કલાકારને અન્યાય સિવાય કઈ જ નથી.
-બહુ વિચિત્ર કાયદા-કાનૂન છે.નહી ?
…..ના.વિચિત્ર જેવું કઈ જ નથી. જે છે તે છે.સીધી વસ્તું છે કે સંચાલકે કોઈ કૃતિ પ્રકાશિત કરતા પહેલા મૂળ કલાકારની પૂર્વ મંજુરી મેળવવી.
-ઓકે ,બરોબર.પણ મેં ઘણી વખત જોયું છે સંચાલકોએ પાટીયા ઠપકાર્યા હોય છે કે “જાહેર જનતાને જણાવવાનું કે આ બ્લોગનો હેતુ ગુજરાતી સાહિત્ય,સમાચાર,ફોટા,વીડીયો, તથા સંગીતની સમૃધ્ધિનો આસ્વાદ કરાવવાનો તથા તેને લોકપ્રિય બનાવવાનો છે. ગુજરાતી પર રચનાઓ પ્રસિદ્ધ્ કરતાં કોઇના કોપીરાઇટનો ભંગ થયેલો કોઇને લાગે અને મને જાણ કરવામાં આવશે, તો તેને સત્વરે અહીંથી દૂર કરીશ. પણ મને આશા અને શ્રદ્ધા છે કે, સૌ સર્જકો અને પ્રકાશકો, તેમ જ તેમના વારસદારો ગુજરાતી ભાષાનાં પનોતા સંતાનોને માટે વિશ્વ-ગુર્જરી સમાજમાં સભાનતા કેળવવાના આ નિઃસ્વાર્થ પ્રયત્નોને હૃદયપૂર્વક ટેકો આપશે અને બિરદાવશે બીજી સાઈટ્સ અને બ્લોગ પરથી લેવામાં આવેલા લેખો જે – તે લેખકોના વિચારો છે.જે સ્ત્રોત નિર્દેશિત રહેશે. જો કૉપીરાઈટનો ભંગ થતો જણાય તો સત્વરે જાણ કરવા વિનંતી મારું ઈ-મેઇલ એડ્રેશ છે…ફલાણું..ઢીકણું…” તો આ બાબતે આપનું શું કહેવું છે ?
….. 🙂 હવે આમા એવું છે કે બ્લૉગર અત્મવિશ્વાશથી ભરપૂર હોય છે,તેમને ખબર છે કે આવા ઘણા સંચાકલો છે.કયો કલાકાર પરલોકમાંથી પાછો આવવાનો છે ને ક્યાં સંચાલકને કહેવાનો છે !
-બરાબર.પણ એક વસ્તું સારી છે કે મહાપુરુષો-લેખકોના સારા વિચારો લોકો-સમાજને મળે છે.
….. 😀 બીજાના ઘરમાં ચોરી કરીને સમાજને મદદ કરવી મને યોગ્ય નથી લાગતું.
-પણ સમાજને સારા વિચારો મળતા હોય તો તેમાં ખોટું શું છે ?
….. ખોટુ તો કઈ જ નથી,પણ તેમા સાચું પણ કઈ જ નથી.મને ખબર છે ઘણા સંચાલકો બીજા કલાકારોની કૃતિઓ પ્રકાશિત કરતા હોય છે અને ઉપરથી પ્લગ-ઈન પણ ફિટ કરતા હોય છે,જેથી કોઈ કૉપી ન કરી શકે.
-આવા સંચાલકો વિશે બે શબ્દો કહી શકો ?
….. બધા તો નહી કહું, પણ મોટાભાગે આવા સંચાલકો સ્વાર્થી,ઘમંડી,બિમાર અને પોતાની જાતને છેતરનારા હોય છે.બ્લૉગ જગતમાં ઘણી વખત ચકલાબજાર જેવો અહેસાસ થાય છે.
-મતબલ ગધેડાને સારા કહેવડાવે તેવા ?
….. હા હા હા 😀 . હા બાપુ,સાચુ કહ્યું.તેમના કરતા ગધેડો અનેક ગણો સારો છે.
-છેલ્લે જતા જતા સંચાલકોને કોઈ ટીપ…?
….. હા.ગધેડા જેવા બ્લૉગરોને જન્મટીપ પણ ઓછી પડે. 😛 મજાક બાદ કરતા કહું તો એક શબ્દ મૌલિક લખશો તો મને પણ મજા આવે.મહેનતનો રોટલો ખાતા હોય તેવું લાગે ખરુ ! બાકી તો સ્પામડા જ ખાવા રહ્યા. 🙂
-આપ અહીં પધાર્યા તે બદલ આપનો ખૂબ ખૂબ આભાર.ફરી મળીશું.ભૂરિયા દ્વારકાવાળાના જય શ્રી કૃષ્ણ…

Advertisements
Categories: ઇન્ટરવ્યૂ, કટાક્ષ, કડવો કાઠીયાવાડી, નાની પણ મોટી વાતો, સ્વરચિત | ટૅગ્સ: , , , , , , , , , , | 1 ટીકા

વાત છે ભોપા અને ભદાની

વાત છે ભોપા અને ભદાની .બેય લંગોટીયા મિત્રો છે.આજે ભોપો અને ભદો પંદરેક વરાહના થઈ ગયા છે છતા બન્ને ગપ્પોડી ભેગા થાઈ ભારત અને હિન્દુસ્તાનને અલગ કરી દે.આજે ભારત-પાકિસ્તાન વચ્ચે ક્રિકેટ વર્લ્ડ કપની સેમી ફાઇનલ મેચ છે.બેયની સ્કૂલ સવારની એટલે મેચ જોવા મળશે પણ ટ્યુશનમાં સાહેબે જ રજા જાહેર કરી દિધી તેથી નવરા બેઠા વાતો કરતા હતા.

ભોપો:એલા અય ભદયા ! આયજે મેચ સે નૈ ?
ભદો: હા એલા ! મારા બાપુય આજે બે વાગે ઘરે આવતા રેવાના સે
ભોપો: પણ મારા બાપુ નથી આવવાના ભદયા.
ભદો: કેમ ભોપ્લા ?
ભોપો: ઈ મારા બાપુ ખેતરમાં સક્કર ટેટી વાવે સે.
ભદો: તૈ ઠિક લ્યો ! પણ ,ભોપ્લા ભારત જીતશે કે પાકિસ્તાન ?
ભોપો: લગભગ વરસાદ જીતશે
ભદો: એલા અય ! પણ આ હમાચારમાં તો ઈમ કે સે કે મોહાલીનું વાતાવરણ એકદમ સાફ સે !
ભોપો: ઈ હમાચાર વાળાને કાઈ કામધંધો નથી.એક અઠવાડીયાથી મંડી પડ્યા સે.ઓલો ફલાણુ ,ઓલો ઢિકણુ.
ભદો: હાવ હાચી વાત ! ભોપ્લા હમણાના હમાચાર જોયા તે ?
ભોપો: ના રે ના ! હુ ડખો થ્યો પાસો ?
ભદો: કાઈ નૈ ! ઓલી ICC ની વકિલ બેહેને આપણ ભારતા ધ્વજ ઉપર પગ મૂકી દીધો અને હમાચાર વાળાએ ઈ જોઈને સળી ફૂકી.ઈ કયુનો ગાંગરતો’તો ને ભાંભરતો’તો કે “ઓલીએ ઝંડા ઉઅપર પગ મૂક્યો ,માફી માંગો માફી માંગો”
ભોપો: એલા ભદયા , ઈ હમાચાર વાળો ઊભો ઊભો હું ભેહ દો તો’તો ! ઈ હમાચાર વાળાની જગ્યાએ હું હોતને તો ઈ ચંડાળને ધૂમ્બા ભેગી પાડી દેત.
ભદો: રેવા દે રેવા દે ભોપ્લા ,વાતુ કરવી હેલી સે ,એની હામે ખોખારો ખા તો ખબરુ સે !
ભોપો: એલા હાચુ કવ સુ ,હું હોત તો ધોકાવી નાખેત
ભદો: એલા પણ આ હમાચાર વાળાએ તો આડો આંક વાળ્યો સે હવે.
ભોપો: પણ તને કોણ ક્યે સે કે તું એમના હમાચાર જો ?
ભદો: પણ બધી ચેનલુમાં ઈ જ આવે તો હું જોવ ?
ભોપો:પણ ટોમ એન્ડ જેરિ જોવાયને !
ભદો: પણ ઘરમાં હન્ધાય મેચની જ રામાયણ મૂકી ને બેઠા હોય તો હુ શુ કરુ ?
ભોપો: ઈમ કે ને તો ! પણ આયજે મેચ જોવાનો સો કે નહીં ?
ભદો: જોઇશને,હારે કે જીતે મારે કેટલા ટકા !
ભોપો: હાલ પોપડામાં બોલ-બેટ રમી.
ભદો: આપણે બે જ ?
ભોપો: ઓલો ભૂરીયો આવી ગયો હૈસે ઘરે ,ને ઓલો પકલો તો હવારનો ટીવી જોવેશે.હાલ જોઇ ભૂરીયાના ઘરે જાઈ !
ભદો:હાલ તૈ ,એલા ભૂરીયાના બાપુ હુતા હૈસે ,ડેલી ધીરેથી ખોલ જે
ભોપો: એલા ભદયા,આ ભૂરીયાના મોટી બા માળા ફેરવે સે
ભદો: વાંધો નૈ ! ઈમને કાઈ દેખાતુ નથી.
ભૂરીયો: એલા ઘરમાં આવને ભોલ્પા,ભદયા !
ભદો: બપોરીયા થૈ ગ્યા ?
ભૂરીયો: હા.
ભોપો: બેટ-દડો રમવા આવ સે ને પોપડામાં ?
ભૂરીયો: એલા અય ભોપ્લા ! ફાગણ ભડકે બરે સે ,ખબર નથી ?
ભોપો:હાલને હવે , બે વાગ્યા હુધી રમીશુ પસી મેચ જોઇશુ.
ભૂરીયો: આપણે ત્રણ જ.
ભદો: હું પક્લાને બોલાવતો આવશુ.
ભૂરીયો: હારુ , ને ઓલો નાથ્યોય ઘરે આવી ગ્યો હૈસે.હું એને બોલાવતો આવશુ,તો આપણે પોપડામાં ભેગા થાય.
ભદો-ભોપો : હારુ તો.
ભદો :(પોપડામાં ભેગા થૈ ને) પેલો દા મારો બેટ મારી સે .

Categories: કટાક્ષ, કડવો કાઠીયાવાડી, દેશપ્રેમ, દેશભક્તિ, નાની પણ મોટી વાતો, સ્વરચિત | ટૅગ્સ: , , , , | Leave a comment

ગર્લ ફ્રેન્ડનો અર્થ ?

હમણા ગામના પાધરે એક ભાભા હારે ભેટો થૈ ગ્યો…

આખા ગામમાં મારુ અંગ્રેજી પાકુ એટલે ભાભાએ મને પૂછ્યુ.

ભૂરીયા ,આ ગર્લ ફ્રેન્ડુનો અરથ હુ થાય હે ?

કા ભાભા ? લે….ગર્લ ફ્રેન્ડ નૈ ,ને સીધુ ગર્લ ફ્રેન્ડુ !!!!!!!! વાહ બાપુ

ઈમા એવ સે ને કે પાધર એક જુવાનિયો ફોનમાં વાતુ કરતો’તો…અને કયુનો અડી પૈડો તો ગર્લ ફ્રેન્ડ,ગર્લ ફ્રેન્ડ………….

બાપુ, જાતી જીંદગીએ ગર્લ ફ્રેન્ડનો અર્થ  અનર્થ થાય…

ખી ખી ખી ખી ખી ખી…

Categories: 'તોફાની' જોક્સ, નાની પણ મોટી વાતો, સ્વરચિત | ટૅગ્સ: , , , , | 5 ટિપ્પણીઓ

ભોપો ને ભદો

ભોપો અને ભદો બે નાનકડા ટેણિયાની વાતો

ભોપો : એલા ભદયા ? શું કરવા આઈવો ?

ભદો : આલે પેંડા…!

ભોપો : શેના પેંડા…? તુ પાસ થઈ ગ્યો ?

ભદો  : ના એલા ! મારા પપ્પાએ નવી ગાડી લીધી..!

ભોપો  : લે…વાહ ! કેટલા પૈડા વાળી ?

ભદો  : બે પૈંડાવાળી…!

ભોપો  : લે…અમારી પાસે તો ત્રણ પૈંડાવાળી ગાડી છે..બોલ..!

ભદો  : મારા કાકા પાસે ચાર પૈડાવાળી ગાડી છે બોલ..!

ભોપો  : બસ ચાર પૈંડાવાળી જ..? મારા ફૂવા પાસે છ પૈડાવાળી ગાડી છે

ભદો : છ પૈંડાવાળી..? ઈ વળી કેવી ગાડી ?

ભોપો  : એલા ભદયા ? ખટારાની વાત કરુ છું

ભદો  : તો એમા શું ? મારા મામા પાસે ૧૦૦ પૈંડાવાળી ગાડી છે

ભોપો  : ૧૦૦ પૈંડાવાળી..?

ભદો  : હા. છૂકછૂકગાડી

ભોપો  : તારા મામાનું નામ શું છે ?

ભદો  : લાલુ પ્રસાદ યાદવ

ભોપો  : લે…એની પાસેથી તો મારી માસીએ એક વર્ષ પહેલા ખરીદી લિધી..

ભદો : તારી માસીનું નામ શું ?

ભોપો  : મમતા બેનર્જી

ભોદો  : મારે મામાને મળવુ પડશે..! નફો કરતી’તી તોય  વેંહચી નાખી !તારી માસી નફો કરે છે કે ખોટ ?

Categories: 'તોફાની' જોક્સ, નાની પણ મોટી વાતો | ટૅગ્સ: , , , | 2 ટિપ્પણીઓ

પૂજ્ય શ્રી મોરારી બાપુની કથા સાંભળવા જોડીયા ગ્યો તો ,ત્યારે બાપુએ એક ખુબ જ સારી વાત કહી હતી.

હુ હમણા ૨૭ નવેમ્બરના રોજ પૂજ્ય શ્રી મોરારી બાપુની કથા સાંભળવા જોડીયા ગ્યો તો ,ત્યારે બાપુએ એક ખુબ જ સારી વાત કહી હતી.


એક ભાઈએ પૂજ્ય બાપુને એક સવાલ પુછ્યો કે ” ભરત જ્યારે રામને વન માંથી પાછા લેવા પોતાની સેના સાથે ચિત્રકુટ જાય છે ત્યારે ભરતને ઘણી વિઘ્નોનો સામનો કરવો પડે છે.

ભરતને સૌ પ્રથમ તો ભીલ જાતીના લોકોએ ગંગા પાર કરતા રોક્યા હતા.

પછી ભરતની પરીક્ષા લેવા સાધુ સંતોએ રોક્યા હતા.

ઘણા અશુરો તેમના માર્ગે આવ્યા હતા.

દેવતાઓ એ પણ ભરતજીના પારખા લિધા હતા.

અને છેલ્લે જ્યારે ભરતજી તેમની વિશાળ સેના સાથે ચિત્રકુટ તરફ પહોચી રહ્યા હતા ત્યારે લક્ષ્મણજી તેમની સામે ધનુષ્ય લઈને ઉભા રહી ગયા હતા.

પણ ભરત જ્યારે અયોધ્યા પાછા ફરે છે ત્યારે કોઈ વિઘ્ન કેમ નથી આવતા ?”


ત્યારે પૂજ્ય મોરારીબાપુ ખુબ જ સારો જવાબ આપે છે ” ભાઈ ,રામ સુધી પહોચવુ જ મુશ્કેલ છે.પહોચિ જાય પછી તો બધા જ વિઘ્નો દુર થૈ જાય”

Categories: સ્વરચિત | ટૅગ્સ: | Leave a comment

દિકરી વહાલનો દરીયો

એકવાર એક ઘણા બધા લોકો પ્રવાસે જાય છે.

દરીયામાં એક વહાણમાં બેહીને ૨૫ જેટલા લોકો દરીયો ખેડે છે

વહાણ મધ દરીયે પહોચી જાય છે

અને અચાનક જ દરીયો તોફાની થાઇ છે

આખુ વહાણ હાલક-ડોલક થાય છે

હન્ધાયનાં જીવ અધર થઈ જાય છે

હન્ધાય પોત-પોતાન ભગવાનને યાદ કરે છે

મુસલમાન તેના અલ્લાહને,હિન્દુ રામને

શિખ વાહે ગુરુજીને,જૈન મહાવિરને

પણ, ૧૫ વરહની એક છોકરીના મુખે સ્મિત છે

ઈ તો દરીયાના આ તોફાની મોજાનો આંનંદ ઉઠાવે છે

અને મોજાના સ્પર્શથી આનંદિત થઈ ઉઠે છે

બધાય ઈ ૧૫ વરહની છોકરીને પુછે છે

આટલુ ભયાનક દ્રશ્ય જોઈને, તને બિક નથી લાગતી ?

ઈ ૧૫ વરહની દિકરી ખુબ જ સારો જવાબ આપે છે,કે

” આ વહાણ હાંકનારો મારો બાપ છે.

અને કોઈ બાપ પોતાની દિકરીને ડુબવા ન દયે,

તેથી મને બિક નથી લાગતી “

કથાનો બોધ – ” જો દિકરીને એના બાપ પર વિશ્વાશ હોય તો,ઈ દિકરીનું સંસારરૂપી દરીયો અને દુઃખ રૂપી મોજા કાઈ બગાડી નો શકે”

-સ્વરચિત

Categories: લોકકથાઓ, સ્વરચિત | ટૅગ્સ: , | Leave a comment

‘ભુરીયાની કલ્પના છે આ’

ભુરીયાની ‘કલ્પના’ માત્ર છે આ,વધારે સમજતા નહી ?


રીયા નથી એનુ નામ,બસ મારી ‘કલ્પના’ છે આ,


યાર કોડિયા જેટલુ હૈયુ હતુ મારુ , તોય તેમા જગ્યા માંગતી ગઈ,


નીશાના અંધકારમાં એક સ્વપ્નુ દેખાળતી ગઈ મારી ‘કલ્પના’


લ્પના, બસ આવી અને મારા મનરૂપી મોરલાને રમાડી ગઈ,


(અ)લ્પ બાકી હતુ કોડીયા જેટલુ હૈયુ ,વિરહની વેદનાથી ભરાઈ જવામાં,


નાખી ગઈ પ્રેમના બે-ત્રણ છાટા, મારા વેદનાથી ભરાયેલા કોડીયામાં,


છે ને મજાની વાત ?દરેક પંક્તિના પહેલા અક્ષરથી બની ગઈ ‘કલ્પના’


તોફાની ‘ભુરીયાની કલ્પના’ માત્ર ,બસ મારી ‘કલ્પના’ જ,

-ભુરીયો દ્વારકાવાળો ‘તોફાની’

Categories: સ્વરચિત | ટૅગ્સ: | Leave a comment

Blog at WordPress.com.

%d bloggers like this: