કટાક્ષ

શ્રીમાન બ્લૉગ સાહેબનું ઇન્ટરવ્યૂ.

આજકાલ બ્લૉગ બહું લોકપ્રિય થતો જાય છે.એટલે તેમનું ઇન્ટરવ્યૂ લેવાનો અવસર મને મળ્યો.

-સુસ્વાગતમ્‌ શ્રીમાન બ્લૉગ સાહેબ !!
…..આભાર ભાઈશ્રી ભૂરિયાજી !!
-કેમ છો ?
…..બસ મજામાં છીએ બ્લૉગરોના આશીર્વાદથી.
તમે પહેલી વખત ઇન્ટરવ્યૂ આપી રહ્યા છો ?
…..હા….. લગભગ તો પહેલી વખત જ.
-બરાબર , દિવસે ને દિવસે તમે બહું લોકપ્રિય થઈ રહ્યાં છો,તો તે વિશે બે શબ્દો કહેશો ?
…..એમા શું છે કે હવે લોકો છાપા વાંચીને કંટાળી ગયા છે.હવે તો ઈન્ટરનેટ પણ ઝડપથી અને સસ્તા દરે પ્રાપ્ત છે અને ઉપરથી આદરણિય મહોદય શ્રી વર્ડપ્રેસ સાહેબ તથા ડૉ. બ્લૉગર.કૉમ અને બીજા ઘણા મને ફ્રી હોસ્ટ કરનારાઓના લીધે વધૂ લોકો મારા તરફ વળી રહ્યાં છે.
-તમને એવું ક્યાંરેય થતુ નથી કે દેખાદેખીમાં લોકો તમારા તરફ આકર્ષાય છે ?
…..હા . એવું કદાચ હોય શકે !પણ….દેખાદેખીથી મારા તરફ આવી તો જાય,પણ પછી મારી સાથે જે કાર્ય કરવાનું છે તેમાં ફસાતા હોય છે.એવા બ્લૉગરો લાંબો સમય ટકી શક્તા નથી.અથવા તો અલવિદા કહી દેતા હોય છે.
-એમા એક નમૂનો તો તમારુ ઇન્ટરવ્યૂ લે છે. 😀
…..હા હા હા હા 😀
-કેવા પ્રકારના બ્લૉગરો તમારા સાથે જોડાય તો તમને ગમે ?
…..દિલથી કહું તો મૌલિક વિચારો ! મૌલિક વિચારોથી બ્લૉગર વધૂ નામના મેળવી શકે છે તેવું હું માનુ છું.સંચાલન કે પ્રવર્તક તરીકે મારી સાથે જોડાવવું અલગ વસ્તું છે.
-અલગ વસ્તું એટલે……
…..અલગ વસ્તું એટલે કે મૌલિક વિચારો હોય તો બ્લૉગર વધૂ સ્વતંત્ર હોય છે.તેની બન્ને આંગળીઓ ઘીમાં હોય છે. અને સંચાલક હોય તો તેમણે ઘણી બાબતોનું ધ્યાન રાખવું પડે છે.તેમના માટે સૌથી અગત્યનો કાયદો છે કોપીરાઈટ્સનો.સંચાલકે એ વસ્તું હંમેશા ધ્યાન રાખવું પડે છે.
-આ બાબતે થોડું વિસ્તૃત કહી શક્શો ?
…..હમ્મ્મ..કહેવાનો અર્થ કે તમે સંચાલક છો તો સંચાલકની સંપૂર્ણ જવાબદારી હોય છે કે કોઈ કલાકાર કે લેખક કે પ્રકાશકને અન્યાય ન થવો જોઇએ.
-મતલબ કે કલાકાર-લેખક-પ્રકાશકની સહમતી હોવી જોઇએ ?
…..હા . કેમ નહીં ! તમે કોઈ લેખ,કવિતા-ગઝલ,ફોટાઓ,વિડિયો કે અન્ય કોઈ મટીરીયલ તમારા સંચાલન હેઠળ પ્રકાશિત કરો છો, તો મૂળ કલાકાર,કવિ-લેખક,ફોટોગ્રાફરની પૂર્વ મંજુરી ખૂબ જ જરૂરી છે.સહમતી વગર તો અન્યાય જ છે.
-ઓકે ! પણ જે પુસ્તકમાંથી ટાઈપ કર્યું હોય અને પુસ્તકના નામ તથા કલાકારનું નામ લખ્યું હોય તો કોઈ પ્રોબલેમ ખરો ?
…..પહેલી વસ્તુ કે પુસ્તકના સંપાદકે-પ્રકાશકે મૂળ કલાકાર,કવિ-લેખક કે ફોટોગ્રાફરની મંજુરી લીધી હોય છે અને તેના વિશે કોઈ પણ પુસ્તકના પહેલા-બીજા-ત્રીજા પાને લખ્યું જ હોય છે.એટલે પુસ્તકનો સ્ત્રોત દર્શાવાથી કે લેખનું નામ લખવાથી મૂળ કલાકારની સહમતી મળી ગઈ એવું ધારી લેવું કલાકારને અન્યાય સિવાય કઈ જ નથી.
-બહુ વિચિત્ર કાયદા-કાનૂન છે.નહી ?
…..ના.વિચિત્ર જેવું કઈ જ નથી. જે છે તે છે.સીધી વસ્તું છે કે સંચાલકે કોઈ કૃતિ પ્રકાશિત કરતા પહેલા મૂળ કલાકારની પૂર્વ મંજુરી મેળવવી.
-ઓકે ,બરોબર.પણ મેં ઘણી વખત જોયું છે સંચાલકોએ પાટીયા ઠપકાર્યા હોય છે કે “જાહેર જનતાને જણાવવાનું કે આ બ્લોગનો હેતુ ગુજરાતી સાહિત્ય,સમાચાર,ફોટા,વીડીયો, તથા સંગીતની સમૃધ્ધિનો આસ્વાદ કરાવવાનો તથા તેને લોકપ્રિય બનાવવાનો છે. ગુજરાતી પર રચનાઓ પ્રસિદ્ધ્ કરતાં કોઇના કોપીરાઇટનો ભંગ થયેલો કોઇને લાગે અને મને જાણ કરવામાં આવશે, તો તેને સત્વરે અહીંથી દૂર કરીશ. પણ મને આશા અને શ્રદ્ધા છે કે, સૌ સર્જકો અને પ્રકાશકો, તેમ જ તેમના વારસદારો ગુજરાતી ભાષાનાં પનોતા સંતાનોને માટે વિશ્વ-ગુર્જરી સમાજમાં સભાનતા કેળવવાના આ નિઃસ્વાર્થ પ્રયત્નોને હૃદયપૂર્વક ટેકો આપશે અને બિરદાવશે બીજી સાઈટ્સ અને બ્લોગ પરથી લેવામાં આવેલા લેખો જે – તે લેખકોના વિચારો છે.જે સ્ત્રોત નિર્દેશિત રહેશે. જો કૉપીરાઈટનો ભંગ થતો જણાય તો સત્વરે જાણ કરવા વિનંતી મારું ઈ-મેઇલ એડ્રેશ છે…ફલાણું..ઢીકણું…” તો આ બાબતે આપનું શું કહેવું છે ?
….. 🙂 હવે આમા એવું છે કે બ્લૉગર અત્મવિશ્વાશથી ભરપૂર હોય છે,તેમને ખબર છે કે આવા ઘણા સંચાકલો છે.કયો કલાકાર પરલોકમાંથી પાછો આવવાનો છે ને ક્યાં સંચાલકને કહેવાનો છે !
-બરાબર.પણ એક વસ્તું સારી છે કે મહાપુરુષો-લેખકોના સારા વિચારો લોકો-સમાજને મળે છે.
….. 😀 બીજાના ઘરમાં ચોરી કરીને સમાજને મદદ કરવી મને યોગ્ય નથી લાગતું.
-પણ સમાજને સારા વિચારો મળતા હોય તો તેમાં ખોટું શું છે ?
….. ખોટુ તો કઈ જ નથી,પણ તેમા સાચું પણ કઈ જ નથી.મને ખબર છે ઘણા સંચાલકો બીજા કલાકારોની કૃતિઓ પ્રકાશિત કરતા હોય છે અને ઉપરથી પ્લગ-ઈન પણ ફિટ કરતા હોય છે,જેથી કોઈ કૉપી ન કરી શકે.
-આવા સંચાલકો વિશે બે શબ્દો કહી શકો ?
….. બધા તો નહી કહું, પણ મોટાભાગે આવા સંચાલકો સ્વાર્થી,ઘમંડી,બિમાર અને પોતાની જાતને છેતરનારા હોય છે.બ્લૉગ જગતમાં ઘણી વખત ચકલાબજાર જેવો અહેસાસ થાય છે.
-મતબલ ગધેડાને સારા કહેવડાવે તેવા ?
….. હા હા હા 😀 . હા બાપુ,સાચુ કહ્યું.તેમના કરતા ગધેડો અનેક ગણો સારો છે.
-છેલ્લે જતા જતા સંચાલકોને કોઈ ટીપ…?
….. હા.ગધેડા જેવા બ્લૉગરોને જન્મટીપ પણ ઓછી પડે. 😛 મજાક બાદ કરતા કહું તો એક શબ્દ મૌલિક લખશો તો મને પણ મજા આવે.મહેનતનો રોટલો ખાતા હોય તેવું લાગે ખરુ ! બાકી તો સ્પામડા જ ખાવા રહ્યા. 🙂
-આપ અહીં પધાર્યા તે બદલ આપનો ખૂબ ખૂબ આભાર.ફરી મળીશું.ભૂરિયા દ્વારકાવાળાના જય શ્રી કૃષ્ણ…

Advertisements
Categories: ઇન્ટરવ્યૂ, કટાક્ષ, કડવો કાઠીયાવાડી, નાની પણ મોટી વાતો, સ્વરચિત | ટૅગ્સ: , , , , , , , , , , | 1 ટીકા

વાત છે ભોપા અને ભદાની

વાત છે ભોપા અને ભદાની .બેય લંગોટીયા મિત્રો છે.આજે ભોપો અને ભદો પંદરેક વરાહના થઈ ગયા છે છતા બન્ને ગપ્પોડી ભેગા થાઈ ભારત અને હિન્દુસ્તાનને અલગ કરી દે.આજે ભારત-પાકિસ્તાન વચ્ચે ક્રિકેટ વર્લ્ડ કપની સેમી ફાઇનલ મેચ છે.બેયની સ્કૂલ સવારની એટલે મેચ જોવા મળશે પણ ટ્યુશનમાં સાહેબે જ રજા જાહેર કરી દિધી તેથી નવરા બેઠા વાતો કરતા હતા.

ભોપો:એલા અય ભદયા ! આયજે મેચ સે નૈ ?
ભદો: હા એલા ! મારા બાપુય આજે બે વાગે ઘરે આવતા રેવાના સે
ભોપો: પણ મારા બાપુ નથી આવવાના ભદયા.
ભદો: કેમ ભોપ્લા ?
ભોપો: ઈ મારા બાપુ ખેતરમાં સક્કર ટેટી વાવે સે.
ભદો: તૈ ઠિક લ્યો ! પણ ,ભોપ્લા ભારત જીતશે કે પાકિસ્તાન ?
ભોપો: લગભગ વરસાદ જીતશે
ભદો: એલા અય ! પણ આ હમાચારમાં તો ઈમ કે સે કે મોહાલીનું વાતાવરણ એકદમ સાફ સે !
ભોપો: ઈ હમાચાર વાળાને કાઈ કામધંધો નથી.એક અઠવાડીયાથી મંડી પડ્યા સે.ઓલો ફલાણુ ,ઓલો ઢિકણુ.
ભદો: હાવ હાચી વાત ! ભોપ્લા હમણાના હમાચાર જોયા તે ?
ભોપો: ના રે ના ! હુ ડખો થ્યો પાસો ?
ભદો: કાઈ નૈ ! ઓલી ICC ની વકિલ બેહેને આપણ ભારતા ધ્વજ ઉપર પગ મૂકી દીધો અને હમાચાર વાળાએ ઈ જોઈને સળી ફૂકી.ઈ કયુનો ગાંગરતો’તો ને ભાંભરતો’તો કે “ઓલીએ ઝંડા ઉઅપર પગ મૂક્યો ,માફી માંગો માફી માંગો”
ભોપો: એલા ભદયા , ઈ હમાચાર વાળો ઊભો ઊભો હું ભેહ દો તો’તો ! ઈ હમાચાર વાળાની જગ્યાએ હું હોતને તો ઈ ચંડાળને ધૂમ્બા ભેગી પાડી દેત.
ભદો: રેવા દે રેવા દે ભોપ્લા ,વાતુ કરવી હેલી સે ,એની હામે ખોખારો ખા તો ખબરુ સે !
ભોપો: એલા હાચુ કવ સુ ,હું હોત તો ધોકાવી નાખેત
ભદો: એલા પણ આ હમાચાર વાળાએ તો આડો આંક વાળ્યો સે હવે.
ભોપો: પણ તને કોણ ક્યે સે કે તું એમના હમાચાર જો ?
ભદો: પણ બધી ચેનલુમાં ઈ જ આવે તો હું જોવ ?
ભોપો:પણ ટોમ એન્ડ જેરિ જોવાયને !
ભદો: પણ ઘરમાં હન્ધાય મેચની જ રામાયણ મૂકી ને બેઠા હોય તો હુ શુ કરુ ?
ભોપો: ઈમ કે ને તો ! પણ આયજે મેચ જોવાનો સો કે નહીં ?
ભદો: જોઇશને,હારે કે જીતે મારે કેટલા ટકા !
ભોપો: હાલ પોપડામાં બોલ-બેટ રમી.
ભદો: આપણે બે જ ?
ભોપો: ઓલો ભૂરીયો આવી ગયો હૈસે ઘરે ,ને ઓલો પકલો તો હવારનો ટીવી જોવેશે.હાલ જોઇ ભૂરીયાના ઘરે જાઈ !
ભદો:હાલ તૈ ,એલા ભૂરીયાના બાપુ હુતા હૈસે ,ડેલી ધીરેથી ખોલ જે
ભોપો: એલા ભદયા,આ ભૂરીયાના મોટી બા માળા ફેરવે સે
ભદો: વાંધો નૈ ! ઈમને કાઈ દેખાતુ નથી.
ભૂરીયો: એલા ઘરમાં આવને ભોલ્પા,ભદયા !
ભદો: બપોરીયા થૈ ગ્યા ?
ભૂરીયો: હા.
ભોપો: બેટ-દડો રમવા આવ સે ને પોપડામાં ?
ભૂરીયો: એલા અય ભોપ્લા ! ફાગણ ભડકે બરે સે ,ખબર નથી ?
ભોપો:હાલને હવે , બે વાગ્યા હુધી રમીશુ પસી મેચ જોઇશુ.
ભૂરીયો: આપણે ત્રણ જ.
ભદો: હું પક્લાને બોલાવતો આવશુ.
ભૂરીયો: હારુ , ને ઓલો નાથ્યોય ઘરે આવી ગ્યો હૈસે.હું એને બોલાવતો આવશુ,તો આપણે પોપડામાં ભેગા થાય.
ભદો-ભોપો : હારુ તો.
ભદો :(પોપડામાં ભેગા થૈ ને) પેલો દા મારો બેટ મારી સે .

Categories: કટાક્ષ, કડવો કાઠીયાવાડી, દેશપ્રેમ, દેશભક્તિ, નાની પણ મોટી વાતો, સ્વરચિત | ટૅગ્સ: , , , , | Leave a comment

દિવ્યભાસ્કરનું કૉપી-પેસ્ટ

  • મારા બ્લૉગ પર ૧૧ ડિસેમ્બર ૨૦૦૯ના રોજ  પ્રસિદ્ધ કરવામાં આવેલ જોક્સનું ૧૬ ડિસેમ્બર ૨૦૧૦ ના રોજ સીધૂ જ કોપી પેસ્ટ દિવ્યભાસ્કર દ્વારા કરવામાં આવ્યું છે.

મારા બ્લૉગ પર પ્રસિદ્ધ જોક્સ – મારો મિત્ર મને એક હોટલમાં જમવા લઈ ગ્યો.

દિવ્યભાસ્કરમાં ક્રેડિટ વગર પ્રસિદ્ધ જોક્સ –  અમદાવાદી ને મળ્યો …. અમદાવાદી

  • Source: Bhaskar Network બતાવામાં આવ્યું છે.તથા જોક્સમાં કાઠિયાવાડી શૈલીમાં લખાણમાં અને જોડણીમાં થોડો ફેરફાર કરવામાં આવ્યો છે.
  • આ દિવ્યભાસ્કરની વેબસાઈટડી  ગુજરાતની નંબર ૧ વેબસાઈટ હોવાનો દાવો કરે છે. છી છી છી છી..

 

મહિતગાર કરવા બદલ વિનયભાઇ ખત્રીનો આભાર.

Categories: કટાક્ષ, કડવો કાઠીયાવાડી, નાની પણ મોટી વાતો | ટૅગ્સ: , , , | 2 ટિપ્પણીઓ

સમજણ જીવન માથી જાઈ જો,તો……….

સમજણ જીવન માથી જાઈ જો,

જીવન માથી જાઈ,તો તો જોયા જેવી થાઈ,

સમજણ જીવન માથી જાઈ જો,

જીવન માથી જાઈ,તો તો જોયા જેવી થાઈ,

સમજણ જીવન માથી જાઈ જો,

પિતાજીના વચન ખાતર, રામજી વનમા જાઈ,(૨)

આજનો રામલો વૃધ્ધાશ્રમમા(૨),એના બાપને મેલવા જાઈ,

સમજણ જીવન માથી જાઈ જો,

જીવન માથી જાઈ,તો તો જોયા જેવી થાઈ,

એ ચેલો હતો ઓલો આરુણી,એની યાદે ઉર ઉભરાય,(૨)

આજનો ચેલ્કો માસ્તર સાહેબને શિવાજી બિડિયુ પાઈ,(૨)

સમજણ જીવન માથી જાઈ જો,

જીવન માથી જાઈ,તો તો જોયા જેવી થાઈ,

ચૌદ વરસનુ એને રાજ મલ્યુ , તોયે ભરતના ભુલાઈ ,(૨)

પાંચ વરસનો પ્રધાન ભૈ,(૨) આજે કોઈથી જાલ્યોએ ના જલાય,

સમજણ જીવન માથી જાઈ જો,

જીવન માથી જાઈ,તો તો જોયા જેવી થાઈ,

મંદિરીયામા બેઠા બેઠા, પ્રભુજીએ મુંજાઈ ,(૨)

ભાવ વિનાના ભક્તો આવે ભાઈ,(૨)અને દશીયુ ફેંકતા જાઈ,

સમજણ જીવન માંથી જાઈ જો,

જીવન માથી જાઈ,તો તો જોયા જેવી થાઈ,

ધર્મની જો કિંમત કેવળ , નાણાથી અંકાઈ, (૨)

મોટી મોટી(૨),થાઈએક થાઈ એમા ફાળો ફરતો જાઈ,

સમજણ જીવન માથી જાઈ જો,

જીવન માથી જાઈ,તો તો જોયા જેવી થાઈ,

કવિશ્રી -નામ અજાણ છે

Categories: કટાક્ષ, કડવો કાઠીયાવાડી, નાની પણ મોટી વાતો, મને ગમતી કવિતા અને ગઝલ | ટૅગ્સ: , , , | 3 ટિપ્પણીઓ

મારા ભગવાનનું વિજ્ઞાન આગળ છે..!

ત્રણ ભણેલા વ્યક્તિઓ વાત કરતા હતા અને તેમની વાતો એક અભણ વૃધ્ધ સાંભળતો હતો..

એક ભણેલો : – આ વિજ્ઞાન કેટલુ આગળ વધી ગ્યુ છે.ગુજરાતી ફિલમવાળા લાખો રૂપિયાના ખર્ચે ફિલમ બનાવે છે પણ ત્રણ કલાકમાં આખી સ્ટોરી પૂરી કઈ દયે.
બીજો ભણેલો : – ઈ તો ઠિક પણ આ હિન્દી ફિલમવાળા કરોડો રૂપિયાના ખર્ચે ફિલમ બાનાવે છે પણ અઢી કલાકમાં સ્ટોરી પૂરી કરી દયે..
ત્રીજો ભણેલો : – અને ભાઈ,આ અંગ્રેજી ફિલમવાળા અબજો રૂપિયાના ખર્ચે ફિલમ બનાવે છે અને માત્ર બે કલાકમાં આખી સ્ટોરી પૂરી કરી દયે..વાહ ! શું તરક્કી કરી છે વિજ્ઞાને ?

ત્યાંરે એમની વાતો સાંભળતો ૭૦  વરાહનો અભણ ભાભો બોલ્યો…”તમારા ત્રણેય કરતા મારા ભગવાનનું વિજ્ઞાન આગળ છે.”

ત્રણેય એક હારે બોલ્યા – તારા ભગવાનનું વિજ્ઞાન કઈ રીતે આગળ છે ?

અભણ ભાભો – માણસ ૬૦ વરહ જીવે કે ૭૦ વરહ જીવે..પણ જીવનની છેલ્લી એક જ મિનિટમાં આખી જ ફિલમ બતાવી દયે….કોની બારીમાં ઘા કર્યા ? કોની ગદબ ચોરી કરી ?
કહેવાય છે કે જીવનની છેલ્લી ઘડીએ માણસ બોલતો નથી…તે છેલ્લી ઘડીમાં માણસ ભગવાને બનાવેલી ફિલમ જોતો હોય છે… એટલે કાઈ બોલતો નથી

-ભિખુદાન ગઢવી

Categories: કટાક્ષ, કડવો કાઠીયાવાડી, નાની પણ મોટી વાતો | ટૅગ્સ: , , | 2 ટિપ્પણીઓ

કે બ્લોગરો ઝઘડો છોડો રે…,ગુ.બ્લોગ જગતને આમ ન તોડો …

કૉપીરાઈટના ફોગટ ભાંડા ફોડ,ન બ્લોગરો સાંધાની જોડ;

તને છે ચોરીચપાટીનો રોગ,કે વાહવાહી માંગે તારો ભોગ;

કે બ્લોગરો તમારુ લખાણ લખો રે…,પાર થાય તારો બેડો રે…

કે બ્લોગરો ઝઘડો છોડો રે…,ગુ.બ્લોગ જગતને આમ ન તોડો …


કે કાંતિ-વિજયને જોવો રે,બધા ત્યાં સંપમાં પાડો રે,

ભલે થાતી ચોતરોચોરટોમાં મિટિંગ,બધાને કરવા દયો સેટિંગ,

વગર સ્વાર્થે પહેલે નીકળે,અમારો મિત્ર તો બસ એ,

કે બ્લોગરો ઝઘડો છોડો રે…,ગુ.બ્લોગ જગતને આમ ન તોડો..

હોય છે એના લખ્ખાણ શું,અમે થોડા તમને કહેશું,

લખે ઈ લખાણ લખણ વગનું,ફૂટે છે ફાંદ પેટેથી,

ટટકારે કોપીપેસ્ટનો ઝભ્ભો , ને ટોપી પહેરે ઈ મોભો,

કે બ્લોગરો ઝઘડો છોડો રે…,ગુ.બ્લોગ જગતને આમ ન તોડો…

-ભુરીયો દ્વારકાવાળો “તોફાની”

નોંધ- આ રચનમાં ચહિતા-માનીતા શ્રી સાંઈરામ દવેની રચના ‘ભારતને આ ન તોડો’ નું પ્રતિકાવ્ય છે (ઈમ તો કોપી જ કહેવાય)પણ લખવુ પડ્યુ,જો બ્લોગ જગત એક તાંતણે ભેગુ થાય તો.?.ભારતની રાજનિતિમાં જેવી ગંદકી છે તેવી જ ગંદકી બ્લોગ જગતમાં છે..

“સમજો તો સારુ,નહી તો બધુ જ નકામુ”


અર્થ-

કૉપીરાઈટના ફોગટ ભાંડા ફોડ – લગભગ દરેક બ્લોગમાં કૉપીરાઈટના નિયમો લખ્યા છે પણ તે માત્ર લખ્યા જ છે..આનુકરણ કોણ કરે છે…?

–>>© અહીં રજૂ કરેલ કૃતિઓના કોપીરાઇટ્સ-હક્કો જે તે રચનાકારના પોતાના છે.

આ બ્લોગ પર અન્ય કવિઓની જે રચનાઓ પોસ્ટ કરી છે, એને લીધે જો કોઇના કોપીરાઇટનો ભંગ થયેલો કોઇને લાગે અને મને જાણ કરવામાં આવશે, તો તેને સત્વરે અહીંથી દૂર કરીશ.(દુર કરવાની તસ્દી કોણ લે..?) પણ મને આશા અને શ્રદ્ધા છે કે સૌ સર્જકો અને પ્રકાશકો તેમ જ તેમના વારસદારો ગુજરાતી ભાષાના પનોતા સંતાનોને માટે વિશ્વ-ગુર્જરી સમાજમાં સભાનતા કેળવવાના આ નિસ્વાર્થ પ્રયત્નોને હૃદયપૂર્વક ટેકો આપશે અને બીરદાવશે.<—

કાંતિ-વિજય – શ્રી કાંતિ કરસાળા અને શ્રી વિજય શાહ,,નામ આદર પૂર્વક ન લખવા બદલ શોરી…!


નથી ખાવો મારે વાહવાહીનો હલવો…એટલે કમેન્ટ બંધ.(તમે જો માણસ જાતીના હોય તો બીજી પોસ્ટમાં કમેન્ટ કરવી નહી)……..બાકી તમે કોપી-પેસ્ટના લખાણો લખો અને સાબિત કરો પોતાની જાતને બ્લોગ જગતનો એક્કો..(સમજવાવાળા સમજી જજો….!થોડીકવાર પેટમાં બરે ઈ તો સ્વભાવિક છે…!એમય ચૈત્ર-વૈશાખ ભડકે બરે છે….!)

કાઠિયાવાડી છુ..જેટલો લિમડો ખાવામાં કડવો એટલો મીઠો છાયો આપે..

ભૂલ ચૂક લેવી દેવી……….

જય દ્વારકાધિશ અને જય જય ગરવી ગુજરાત………

Categories: કટાક્ષ, કડવો કાઠીયાવાડી | ટૅગ્સ: ,

બ્લોગ જગત નહી પણ ટાઈપિંગ જગત…

ગુજરાત સમાચાર

ભારે કરી આ બ્લોગ લખવા વાળાએ.કાઠીયાવાડી હોવાથી થોડો કડવો છુ.આઈજ કાઈક કડવુ લખવાનું મન થ્યુ.કાલે મારા મોટા બા એ આખા કારેલાનું કડવુ શાક બનાવ્યુ ‘તુ એટલે કદાચ આજે કડવુ લખ્યુ સે.

નોંધ-કાઠિયાવાડીમાં લખ્યુ નથી, ગુજરાતી ભાષામાં લખવાનો પ્રયત્ન કર્યો છે.

બ્લોગરો બીજા લેખકોની રચનાઓ ચોપડીમાંથી ઉખાડીન પોતાના બ્લોગમાં ચોંટાડી દયે છે.પછી જ્યારે કોઈ બીજો બ્લોગર તેમના બ્લોગ માંથી રચનાઓ  કોપી કરે છે તો કહે છે “તમે આ રચના મારા બ્લોગમાંથી કોપી કરી,મે આ રચના મારા બ્લોગ પર સૌ પ્રથમ ટાઈપ કરી હતી”

મારે આવા બ્લોગરોને પુછુ છે કે “શું કોઈ ચોપડીમાંથી રચનાઓ ટાઈપ કરીને તમે તમારા બ્લોગમાં ચોંટાડી દિધી એટલે તે રચના તમારી થઈ ગઈ..?”

જે તે ચોપડીના પ્રથમ,બીજા,ત્રીજા કે છેલ્લા પાને  કોપીરાઈટસ્‌ના નિયમો લખ્યા હોય છે.આ ચોપડીનું સંપાદન કરવા માટે જે તે ચોપડીના સંપાદકે જે તે કવિ,લેખક તથા અન્ય રચનાકાર કે કલાકારની અનુમતી લીધેલી હોય છે.

શુ ચોપડીમાંથી નકલ કરીને પોતાના બ્લોગમાં ચોટાડી દેનારા બ્લોગરોએ જે તે કવિ,લેખક તથા અન્ય રચનાકાર કે કલાકારની અનુમતી લીધેલી હોય છે ખરી..?

આ બાજુમાં રાખેલા ગધેડાને પણ સારા કહેવડાવે એવા છે આ બ્લોગરો..

કહે છે કે “ગુજરાતી સાહિત્યમાં રસ છે એટલે ટાઈમ કાઢીને જેમ તેમ કરીને ચોપડીઓ માંથી ટાઈપ કરીને અહી બ્લોગમાં લખુ છુ”.

…….લે…!!!મારે તેમને કહેવુ છે કે “ગુજરાતી સાહિત્યમાં રસ છે એટલે તમે બ્લોગ નથી લખતા પણ બ્લોગ જગતમાં પોતાનું સ્થાન જમાવીને વાહ’વાહી મેળવી છે”

જો ખરેખર ગુજરાતી સાહિત્યને પ્રેમ કરનારો બ્લોગર હશે તો તે પોતાના બ્લોગમાં મળતા અભિપ્રાયોને પેન્ડીગ જ રાખશે અથવા તો અભિપ્રાય આપી જ ન શકાય તેવી ગોઠવણ કરે..ગધેડા જેવા બ્લોગરોની જેમ જગ જાહેર નહી કરે…!અને વાહ’વાહી નહી મેળવે…!

હા,,જો પોતાની સ્વરચિત રચનાઓ  હોય  કે પોતાના  વિચારો કે લેખો  હોય અને તે પોતાન બ્લોગમાં મુકે  તો  વાત અગલ છે…કોપી-પેસ્ટ સામે વાંધો ઉઠાવી શકે..હુંય તેમની પડખે ઉભો  રવ..

પણ આમનું શુ કરવુ જે બ્લોગરો ચોપડીમાંથી નકલ કરીને બ્લોગમાં ચોંટાડી દે છે અને કોપી-પેસ્ટ કરવાની ના પાડીને પોતે વાહ’વાહનો હલવો એકલા એકલા ખાઈ છે…?

આ વાત મારા મગજમાં ત્યારે આવી જ્યારે હું જામનગરથી કંડલા રેલગાડીમાં જાતો’તો.. બન્યુ એવુ કે જામનગરના સ્ટેશન ઉપર કંડલા જાતી ગાડી આવી એટલે એક ભાઈએ ટ્રેનની બારીમાંથી રુમાલ સીટ ઉપર નાખી દિધો અને બેસવાની જગ્યા રોકી લિધી.એટલે તે સીટ તેમની થઈ ગઈ.

જે બ્લોગરો પોતાની રચનાઓ કે વિચારો કે લેખો પોતાના બ્લોગમાં મુકે છે તેમને તો આ તોફાનીના દિલો-જાનથી સલામ છે અને શુભકામનાઓ છે..

“તો શું વિચારો છો હવે..? કોપી-પેસ્ટ કરો.જોઈએ કોણ આંગળી ચિંધે છે.?”


જય દ્વારકાધિશ હારે ક્યો  “જય માતૃભુમિ”

Categories: કટાક્ષ, કડવો કાઠીયાવાડી, નાની પણ મોટી વાતો, સ્વરચિત | ટૅગ્સ: , , | 17 ટિપ્પણીઓ

એક દિકરીની વેદના

એક દિકરીએ કાગળ લખ્યો માતાને સરનામે,
સરનામામાં પોસ્ટ કરૂણાં,મુકામ મમતા ગામે,

એક લાખ સપનાઓ માડી મેં તો ઉદરમાં જોયા,
પણ મારી હત્યા પાછળ ના કોઈ હદયથી રોયા,
હું ધલવલતી કે દિકરો ના બની શકી એ ડામે,
સરનામામાં પોસ્ટ કરૂણાં,મુકામ મમતા ગામે…

તુ’ય કોકની દિકરી યાદ છે,તું’ય કોકની થાપણ !
વાંક શું મારો ?કા આપ્યું આ જનમ ની પેલા ખાપણ,
તું દિકરા માટે ઝંખે,પણ કલંક માં ના નામે,
સરનામામાં પોસ્ટ કરૂણાં,મુકામ મમતા ગામે…

ભૃણની હત્યા નથી માત્ર આ,છે મમતાનું મોત,
તારા એક આ કૃર વિચારે, બુઝી કરૂણા જ્યોત્‌
ઓળખી જાજે આવીશ જલદી ડૉક્ટર થઈને,સામે
સરનામામાં પોસ્ટ કરૂણાં,મુકામ મમતા ગામે…

હવે ભાઈલો જન્મે ત્યારે દે જે ચુમ્મી મારી,
આવજે મમ્મી ક્યાંક હજી છે મારી ઈન્તેજારી,
હવે તો દિકરો તારો, વૃધ્ધાશ્રમ મોકલે તો જામે,
સરનામામાં પોસ્ટ કરૂણાં,મુકામ મમતા ગામે…

દિકરીને કોઈ જનમ ન દેશે દિકરા કેમ પરણશે ?
બંધ કરો આ પાપ,માફ તો ઈશ્વર પણ ના કરશે ,
‘સાંઈ’ દિકરીનો કાગળ લઈ,ફરતો ગામે ગામે,
સરનામામાં પોસ્ટ કરૂણાં,મુકામ મમતા ગામે…

-શ્રી સાંઈરામ દવે

Categories: કટાક્ષ, મને ગમતી કવિતા અને ગઝલ | ટૅગ્સ: | 2 ટિપ્પણીઓ

પ્રાર્થનાચિઠ્ઠી

(એક શિક્ષકની વેદના…..એક બાળકની કલમે….)

પ્રતિ,

શ્રી ભગવાનભાઈ ઈશ્વ્રરભાઈ પરમાત્મા(શંખચક્રવાળા)

સ્વર્ગ લોક,નર્કની સામે,

વાદળાની વચ્ચે,

મુ.આકાશ.

પ્રિય મિત્ર ભગવાન,

જય ભારત સાથ જણાવાનું કે હું તારા ભવ્ય મંદિરથી થોડે દૂર આવેલી એક સરકારી શાળાના ૭ માં ધોરણમાં ભણુ છું.મારા પિતાજી દાણાપીઠમાં મજૂરી કરે છે અને મારી માં રોજ બીજાનાં ઘરકામ કરવા જાય છે.’હું શું કામ ભણું છું’ એની મારા માં-બાપને ખબર નથી.કદાચ શિષ્યવૃતિના પૈસા અને મફત જમવાનું નિશાળમાંથી મળે છે એટલે મારા માં-બાપ મને રોજ નિશાળે ધકેલે છે.ભગવાન,બે-ચાર સવાલો પૂછવા માટે મેં તને પત્ર લખ્યો છે.મારા સાહેબે કિધુ’તુ કે તુ સાચી વાત જરૂર સાંભળે છે…!

પ્રશ્ન -૧ . હું રોજ સાંજે તારા મંદિરે આવું છું અને નિયમિત સવારે નિશાળે જાવ છું પણ હે ભગવાન તારી ઉપર આરસપહાણનું મંદિરને એ.સી. છે અને મારી નિશાળમાં ઉપર છાપરુ’ય કેમ નથી…દર ચોમાસે પાણી ટપકે છે,આ મને સમજાતુ નથી…!

પ્રશ્ન -૨ . તને રોજ ૩૨ ભાતનાં પકવાન પીરસાય છે ને તું તો ખાતો’ય નથી…અને હું દરરોજ બપોરે મધ્યાહ્મભોજનના એક મુઠ્ઠી ભાતથી ભૂખ્યો ઘરે જાઉં છું…!આવું કેમ…?

પ્રશ્ન -૩ . મારી નાની બેનનાં ફાટેલા ફ્રોક ઉપર કોઈ થીગડુ’ય મારતું નથી અને તારા પચરંગી નવા નવાં વાઘા…!સાચું કહું ભગવાન હું રોજ તને નહી, તારા કપડા જોવા આવું છું…!

પ્રશ્ન -૪ . તારા પ્રસંગે લાખો માણસો મંદિરે સમાતા નથી અને ૨૬મી જાન્યુઆરી અને ૧૫મી ઓગસ્ટે જ્યારે હું બે મહિનાથી મહેનત કરેલું દેશભક્તિગીત રજું કરુ છું ત્યારે,સામે હોય છે માત્ર મારા શિક્ષકો…ને બાળકો…હે ઈશ્વર તારા મંદિરે જે સમાતા નથી ઈ બધાય “મારા મંદિરે” કેમ ડોકાતા નથી…!

પ્રશ્ન -૫ . તને ખોટુ લાગે તો ભલે લાગે પણ મારા ગામમાં એક ફાઇવસ્ટાર હોટલ જેવું મંદિર છે’ને એક મંદિર જેવી પ્રાથમિક શાળા છે.પ્રભુ ! મેં સાભળ્યું  છે કે તું તો અમારી બનાવેલી મૂર્તિ છો,તો’ય આવી જલજલાટ છો અને અમે તો તારી બનાવેલી મૂર્તિ છીએ,તો’ય આમારા ચહેરા ઉપર નૂર કેમ નથી…?

શક્ય હોય તો પાંચેયના જવાબ આપજે…મને વાર્ષિક પરીક્ષામાં કામ લાગે…!ભગવાન મારે ખૂબ આગળ ભણવું છે ડોક્ટર થવું છે પણ મારા માં-બાપ પાસે ફિ ના કે ટ્યૂશનના પૈસા નથી…તું જો તારી એક દિવસની તારી દાનપેટી મને મોકલેને તો હું આખી જિંદગી ભણી શકું…વિચારીને કે’જે…! હું જાણું છું તારે’ય ઘણાયને પૂછવું પડે એમ છે.

પરંતુ ૭માં ધોરણની વાર્ષિક પરીક્ષા જો તું મારામાં ધ્યાન નહી આપે તો મારા બાપુ મને સામે ચા વાળાની હોટલે રોજના રૂ.પાંચ ના ભવ્ય પગારથી નોકરીએ રાખી દેશે…!ને પછી આખી જિંદગી હું તારા શ્રીમંત ભક્તોને ચા પાઈશ…પણ તારી હારે કીટ્ટા કરી નાખીશ…!

જલ્દી કરજે ભગવાન…સમય બહું ઓછો છે તારી પસે…અને મારી પાસે પણ…!

લી.

એક સરકારી શાળાનો ગરીબ વિદ્યાર્થી

અથવા

ભારતના એક ભાવિ મજૂરના વંદે માતરમ્‌.

( રચયિતા – શ્રી સાંઈરામ દવે )

Categories: કટાક્ષ, નાની પણ મોટી વાતો | ટૅગ્સ: | 1 ટીકા

Create a free website or blog at WordPress.com.

%d bloggers like this: